康文署署長儀儀，某日突然被人捉咗，正當儀儀準備大叫救命嘅時候，捉佢嘅神秘人竟然話儀儀犯咗「謀殺」，嚇到儀儀心都慌埋……
神秘人︰你好衰唔衰，衰謀殺，邊個都保你唔到！
儀 儀︰我……我幾時有？
神秘人︰仲狡辯，你嗰三宗罪都昭然若揭喇。
儀 儀︰口講無憑，你有無實質證據？
神秘人︰依家就有個大學學者指證你！
儀 儀︰我明明就無做，殺人咁大件事，我點會亂做？
神秘人︰幾時話你殺人呀？
儀 儀︰你明明話我衰謀殺。
神秘人︰係就係，不過對象係樹啫！康文署隱瞞樹木病情、拒絕施救，又任由木屑播菌，仲唔係謀殺古樹咩？
儀 儀︰@##$$%%%^
第一手消息請下載on.cc東網李衞
