設計圖片及對白
政府早前公布已辭職嘅南區區議員馮煒光下周一（16日）上任新聞統籌專員（IC），外間對馮煒光嘅任命反應不一，有人批評佢對政治嘅認識唔深，擔心佢上陣就甩轆。不過，同屬香港大學出身、前候任特首辦項目主任馮英倫（Allen）就撐馮煒光做IC，話呢個位除咗要有能力同公關經驗外，馮煒光對政治有認識，相信對新工作都有幫助。
Allen話佢同馮煒光一直有保持溝通，一來對方係港大學生會前輩，二來佢哋由○四年認識至今近十年，定期有溝通交流，例如去年馮煒光申請副局長時曾有接觸，佢希望各界畀時間同機會馮煒光工作，唔好因為一個人嘅政治理念而決定佢係咪適合呢個崗位喎。
另外，過去一年先後轉過三份工嘅Allen，最近又有新動向，不過今次唔係轉工，而係加入可持續發展研究中心做非全職首席研究員，最近就忙於跟進研究垃圾徵費同中產貧窮等議題。
第一手消息請下載on.cc東網
