政壇：王薇薇親手整愛心曲奇
聖誕將至，唔少企業都趁呢個溫馨嘅節日做善事，友邦香港早前就專登同復康機構合作，準備咗四萬五千塊愛心曲奇以推行AIA Y Club聖誕「友」心派大行動，佢哋聽日會喺中環、銅鑼灣及尖沙咀等鬧市派餅畀途人，希望喚起大家用愛心關懷社會上有需要人士，整餅者包括友邦香港嘅高層，靚女兼首席人力資源總監王薇薇都有落手落腳。
王薇薇（右）早前到康恩園，與復康人士一齊整定愛心曲奇賀聖誕。
友邦香港及澳門首席執行官陳榮聲同好多高層，會率領Y Club嘅同事齊齊派餅，隊伍壯觀，據講到時仲會有樂隊演奏聖誕歌添。
愛心曲奇係由香港聖公會福利協會「康恩園」嘅復康人士親手製作，全部採用天然新鮮材料，整餅當日，友邦香港及澳門營業拓展總經理鄭國成，同埋一班AIA Y Club財務策劃顧問特別去康恩園，與復康人士一起合力製作。
