有麝自然香，好嘢齊欣賞。東方報業集團全新旗艦網站「on.cc東網」推出以來，獲得一致讚賞，尤其上周四起全球免費開放《太陽報電子報》及《好報電子報》後，更加引起哄動，點擊率節節上升，正式係人見人愛，車見車載，花見花開。

究竟有幾哄動呢？有數字為證o架。自從「on.cc東網」以全新面貌破空而出，用戶安裝相關手機Apps迅速衝破三百萬次，你都咪話唔犀利。仲有吖，《太陽報電子報》及《好報電子報》全球免費開放後，瀏覽頁次即時激增三倍，開放頭幾日，平均每日瀏覽頁次高達九十九萬，比免費開放前大增五點五倍；而隨着上周五《好報電子報》出版，瀏覽頁次更急升至一百四十三萬，證明讀者及網民果然識貨。太一叮真係要再次講聲：多謝晒！

《太陽報電子報》及《好報電子報》備受全球讀者及網民追捧，理由好簡單，一來內容豐富，包羅萬有，二來簡單易用，方便快捷。嗱，大家進入兩報頁面後，只需按兩側箭嘴，便可翻閱由東方報業全球首創嘅揭頁式電子報，就好似翻閱實體報章咁，原汁原味，行到邊睇到邊，連廣告資訊都一覽無遺，簡直係非一般嘅閱讀享受。

正所謂，好嘅開始係成功嘅一半。《太陽報電子報》及《好報電子報》點擊率激增，可以講係意料中事，由於現時仍有唔少網民正熟習有關使用方法，同埋準備更新手機Apps，所以呢，稍後兩報嘅瀏覽頁次必定會繼續攀升，高處未算高o架。總而言之，「on.cc東網」立足香港，服務全球，絕對唔只新聞網站咁簡單！

講開又講，「on.cc東網」威力無邊，唔只讀者及網民可以體驗非一般嘅閱讀享受，廣告客戶同樣得益匪淺o架。正如太一叮之前講過，喺東方報業旗下刊物落廣告，等於喺全世界賣廣告，除咗可以吸引全球華人，隨時連外國人都吸引埋添，聰明嘅廣告客戶自然識得選擇喇。

東方報業嘅宗旨係精益求精，與時並進，「on.cc東網」當然唔會滿足於目前嘅成績。等太一叮話畀大家知，全球免費開放《太陽報電子報》及《好報電子報》只係第一波咋，跟住仲會有第二波、第三波……精彩陸續有來，為咗回饋讀者及網民嘅鼎力支持，東方報業一定會做到更好。一句講晒，「上東網，知天下」，要了解世界大事，要掌握時代脈搏，要緊貼最新潮流，請上「on.cc東網」喇！　

第一手消息請下載on.cc東方互動iPhone/iPad/Android/Windows Phone Apps