SUN搞作：少膽虫手記：打鑼搵救兵
「噔噔噔！」手機又傳來短訊的聲音，淫賤黎陰陰嘴笑，手不停在把玩手機。少膽虫見淫賤黎傳足訊息大半天，機不離手，樂在其中，又周不時嘟起片厚唇，如沐春風模樣。少膽虫看見此情此景，不禁害怕淫賤黎偷食，擔心地位不保，隨即醋意大發，上前問：「腦細，玩厭咗肥豪喇？忙住要搵新寵？」淫賤黎聽後，揮拳打落虫頭問：「新寵？」
「腦細，你不嬲偷食唔抹嘴，貪新忘舊，今日肥豪又放假，你唔係喺度搵新刺激解悶咩？」少膽虫語畢，淫賤黎再一個旋風腳踢在虫身。「亂咁噏！依家壹全霉生死存亡，邊有時間搵新寵！已經畀人發起罷買刊物，又無啦啦掛上不受歡迎霉體之名，呢鋪仲唔拿拿臨搵舊相好諗辦法，難道靠你哋班廢物諗計仔咩！」淫賤黎怒氣沖沖，再掌少膽虫一巴。「係嘅！係嘅！我都即刻幫手諗計仔呀！」少膽虫急忙補鑊道。
突然一陣風吹過，寒風刺骨，少膽虫猶如如夢初醒，「與其冧掂倒霉腦細，不如搵定個新腦細，方為上策……」
