SUN搞作：SUN官場現形記：無王管
月黑風高的晚上，喺觀塘工廠區街道上，鬼影只得三四隻，李衞竟然撞到食環署署長文文，兩人企响工廈門前駐足暢談……
李衞：署長，嗅唔嗅到有陣味？
文文：有味？唔係好覺喎！
李衞：唔係喎，你嗅真啲，好似有味！
文文：咦，又好似真係喎，咁大陣味，唔通火燭？睇嚟要報警喇！
李衞：搵燒房就快啲啦！費事佢哋啲車又死火呀！
文文：唔使驚！等我打電話！
李衞：咪住！嗅嗅吓，又唔似味……
文文：吓！咁係咩味？
李衞：係燒烤味至真！
文文：燒烤味？點會呀！呢度工廠區嚟o架，邊有人會燒烤！
李衞：梗係有啦！工廈天台變燒烤場，晚晚BBQ，夜夜笙歌，你哋唔巡查，咪無王管囉！
文文：唔係啩……
李衞：搵埋燒房一齊BBQ啦！
