政壇：張炳良睇電影聽歌減壓

張炳良喺最新一期《公務員通訊》嘅訪問中話，讀大學時，佢曾經諗過唔執教鞭，結果投身社會後，不但喺大學教書多年，最後仲做埋校長添，可見人生都幾諷刺。咁多年嚟，張炳良一直生活忙碌，二十年前已經身兼三職，包括做當時嘅立法局議員、城大嘅學系主任，同時亦係民主黨嘅副主席，好多時開會一個接一個，職務又繁重，冇壓力係假嘅，但佢話：「每晚完成工作返到屋企，我會睇電視和聽音樂，讓自己鬆弛落嚟。至今我仍保持呢個習慣。」

缺乏空閒時間嘅佢，不時要出差周圍飛，而張炳良就好鍾意呢個時間，因為坐飛機時睇套新嘅電影，對佢已經係一樂也。