賊搶貨Van失手扑爆窗逃走
【本報訊】三名賊人昨晨在元朗企圖搶走一輛運報客貨車，惟其中一賊登車後被司機發現，雙方發生糾纏，司機搶回車匙，兩同黨見事敗，倒車往接應，惟駛至客貨車車門邊「擋到正」，客貨車上賊人被困，狼狽扑爆玻璃捐窗，才能與同黨絕塵逃去。
客貨車司機（右）在現場協助探員調查。
險被偷的客貨車落地僅一年，車價近三十萬元，事發昨晨六時許，姓盧男子（四十三歲）駕駛該客貨車，載多份報刊包括馬經到元朗區派送，期間，盧將車停泊在合益路近又新街，未有拔走車匙便落車送報紙到旁邊的報檔。此時，一名穿淺色有帽衛衣男賊跳上客貨車，圖當街搶車，盧見狀立即喝止，並拉開車門企圖將賊人拖落車，惟賊人兩名同黨坐私家車高速倒後圖撞向他，盧敏捷避開，兜圈走到乘客位車門登上車廂後座阻止，從後箍司機位上賊人，糾纏間奪回車匙，走出車廂報警。
客貨車上的賊人見事敗，欲打開車門逃走，惟因同黨接應的私家車駛得太貼近客貨車，擋住車門，致未能打開，賊人情急下打破車窗捐出，目擊的女報販稱：「見到有個人（賊人）係車窗爬出嚟，仲以為佢哋喺度玩添！」賊人其後登上私家車，與同黨高速逃去，警方正展開追緝。
