香港同南美洲國家智利相隔半個地球咁遠，去一趟真係唔容易，但香港貿易發展局副總裁Margaret方舜文喺任內短短四年間，已先後多次組團到智利尋找商機。Margaret日前應邀出席智利駐港領事館舉辦嘅產品推介晚宴，佢大讚智利嘅海產同農產品質素唔錯，尤其係一種名為Pisco嘅白蘭地，令佢一試難忘，好值得推介咁話。網上資料顯示，Pisco歷史悠久，智利製造呢種酒有嚴格法律規定，必須以Moscatel麝香葡萄為原料，經過發酵蒸餾同過濾等程序，酒質圓潤，散放出如香水般迷人嘅香味，難怪會迷倒Margaret喇！

除白蘭地外，方舜文大讚智利海產同農產品質素都好好。

第一手消息請下載on.cc東網iPhone/iPad/Android/Windows Phone Apps