城中鏡：名人摸住杯底講扮靚

一個配合葡萄酒療嘅護膚品牌喺香港開設亞洲首間旗艦店，城中好多名人都畀面出席，包括咗法國駐港總領事太太、張力正同張王幼倫夫婦、郭詩慧同劉思蔚等，就連本港首位華人女騎師江碧蕙都嚟撐場，大家摸住酒杯底，分享護膚之道。

張王幼倫（左）同在場嘉賓言談甚歡。

江碧蕙

呢間旗艦店整個風格嘅設計靈感都係嚟自法國波爾多嘅家族葡萄園內嘅酒莊，張王幼倫就話店內每一角落都展現咗品牌嘅精髓。江碧蕙亦話，透過今次聚會，加深咗對呢個品牌嘅認識，而身處旗艦店，就好似置身喺法國莊園一樣，令人心曠神怡。