SUN揭秘：生活依舊 笑看西貢變遷

談起西貢變遷，許伯指着火場中數個「幸存」的鐵籠，說：「啲籠係用嚟捉蝦蟹，以前西貢未填海，我間屋行過少少就係海邊，嗰時我成日出海捉魚；依家無啦，架船放喺屋邊，已經好耐無用！」填海後，農舍旁築起馬路，許伯說：「起咗馬路後，一落雨啲水就會湧落嚟，本來我住右面間舊屋，因為水浸嚴重，先搭咗間新屋，不過依家都燒咗。」

幾十年來，許伯的農舍連雪櫃、冷氣，甚至電燈等基本電器都沒有，更不用談手機，而許伯平日起居飲食全靠一口井及火水爐。雖然懷疑火水爐引發大火，但記者探訪時他仍準備使用火水爐煲水，他說：「無事嘅，呢個新爐係人哋送畀我。」他更向記者示範如何使用火水爐，又指大火後，不少熱心市民送來物資，現時生活無缺。