北京，不愧為中國的首都，除文化氣息乃全國之冠外，更具亞洲地區罕有的國際視野。
日前，北京地鐵公司在其官方微博上，大力聲討那些在地鐵車廂內亂丟垃圾的乘客為「蝗蟲」，譴責他們不文明嘅行為，並批評那些涉事嘅「蝗蟲」，說這裏不歡迎你！此微博一出，頓即引發境內內戰，有大批內地網民怒斥京鐵歧視外地人，須向「受害者」道歉；但亦有不少群眾（包括北京、上海和廣州的人）卻鼎力力撐京鐵鬧得啱罵得好！毋須道歉！
首先，看看京鐵微博講啲乜嘢先啦：「『蝗蟲』過後的10號線一片狼藉，……北京首都的寬容大度為人稱道，但有時候寬容過了頭也是最大的詬病，對於惡意破壞北京首都的行為，我們只想說：『這裏不歡迎你！』」嗱！各位本地的舊香港人朋友，看畢這段「北京首都人」的宣言，有何感受，有何意見呢？只要將文中兩個「北京首都」，改為「香港特區」，直情係「緊貼香港民情」啦！仲有呀！將「北京首都」四字，改為「法國巴黎」呀！「英國倫敦」呀！「美國紐約」、「澳洲悉尼」，甚至「台灣台北」，都一樣適用呀！全球都太寬容了！
內地網民話京鐵歧視外地人（即外省人），好比一粒老鼠屎弄壞整煲粥後，連人家一聲嘆喟也不准，仲要將老鼠屎一併吞埋落肚，咁至啱？咁先係「包容」？畀啲老鼠繼續放低幾両才不算歧視？
話北京有國際視野，就因佢哋敢於將社會醜陋面，圖文並茂的公布人前之外，也懂得全球性語言的運用，例如今劑的「蝗蟲」，已有國際間公認的解釋：「一群劣質的中國外來人」，凡蝗蟲所經之處，無一不受其害，話之你喺自己國家，一樣無面畀。強呀！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊（目及）實政府
第一手消息請下載on.cc東網
