SUN搞作：少膽虫手記：蠢我至蠢
「叻我至叻……」淫賤黎高唱歌曲。「腦細，因乜事咁好唱口？」少膽虫上前問。淫賤黎趾高氣揚，「我有計令《爛果》銷量起死回生。」少膽虫心中一怯，「咁係咩好橋呢？」
淫賤黎說：「我哋就話如果《爛果》每日賣剩十萬份，少膽虫你就由大樓跪去堆填區！」「咁咪要日日跪？」少膽虫力挽狂瀾，「腦細，跪去堆填區好小事，無人會講，不如算喇。」誰不知淫賤黎再講出駭人念頭，「呢一層我都諗過，所以決定再加『兩點』，多啲人睇嘛。」
「兩點？」少膽虫本能地將手往上移。「腦細，咁好似……」話未畢，淫賤黎即插口，「兩點唔好，咁咪三點囉！」「吓？」少膽虫恨自己無第三隻手。淫賤黎受質疑，一臉不耐煩，「咁不如你證明畀我睇有咩唔好喇！」少膽虫為咗未來，呢刻決定豁出去。「你喺度做咩？」淫賤黎驚訝。少膽虫渾身顫抖，「腦細，又係你話要證明……」「我本來係想話喺晏晝兩、三點，但依家你又啟發咗我。」淫賤黎笑吟吟道。睇嚟少膽虫呢鋪真係「蠢我至蠢」囉……
