SUN搞作：網絡小說：SEVEN HEAD 先生選舉
為咗呃飲呃食，未入黑貪曾就竄去蒲老蘭。歌店門外，大大隻字寫住「夠七你就贏！SEVEN HEAD先生選舉」，獎品係靚酒任飲，貪曾的黑心馬上噗噗咁跳，心諗：「我漂白做英走狗又得，強國官場又大把朋友，立即變黑又得，得咗！又點止七個頭呢？九個都有呀！」於是佢大模廝樣參加比賽。
第一關唱歌，蟬聯三屆冠軍嘅非洲王子加利魯母以核突演繹《熱情的沙漠》穩奪一百分。好有自信嘅貪曾決定蒙面出場，犯政壇的大不諱，大唱《真心英雄》，豈料唱第一個音就被叮出局。第二關跳舞，貪曾使出渾身解數，高舉拳頭大跳「起錨舞」，因為160cm的身高太像老鼠，台下嘔吐連連，貪曾順利過關。
去到第三關，貪曾心諗：「雀屎嘅身份咁尊貴，我實大把人識！」於是佢着住件發黃背心就衝上台，大叫：「我係曾雀屎呀，係咪好掛住我呢？大家一定要投我一票！」台下觀眾馬上大叫：「挑，原來係貪曾，返屋企啦！」、「累到香港咁樣仲出嚟？」噓聲過後，非洲王子加利魯母跑出台前，指住貪曾大哭：「你贏咗喇！我真係唔夠你樣衰，原來你先係真正嘅SEVEN HEAD──！」
