政壇：潘石屹新職監督京法院
SOHO中國董事長潘石屹喺微博公告自己被北京市高級人民法院聘為特邀監督員，其聘書貼圖顯示聘任期為五年，潘總可持證監督北京市法院工作。
潘石屹
佢更承諾絕對唔會因個人或公司嘅事，利用此身份去過問或麻煩法院，「我願為那些受到冤屈的人們去奔走。我願為法制和社會進步做我力所能及的事」。好有使命感喎！
網友對潘總呢個新職務有唔少意見，有網友笑佢被「招安」，有網友話佢依家多咗件「黃馬褂」，就唔怕資產被凍，仲有網友對特邀監督員嘅制度好多疑問，直言法院「自己請人監督自己？甚麼邏輯？」
