政壇：陳細潔變小倩與鬼共舞

前日係萬聖節，好多人都扮鬼出去鬥一番，而「鯊魚女」Abbie陳細潔當晚就喺屋企搞派對，邀請咗二十幾位好友一齊扮鬼慶祝。Abbie扮乜嘢鬼呢？原來佢化身《倩女幽魂》嘅「小倩」。咁點解扮「小倩」呀？佢笑言：「扮乜都好，最重要係靚。我喺網上買咗三、四套萬聖節嘅衫，呢套最啱身。」呵！佢扮鬼都要扮靚鬼。佢又話今年已經係第三年喺屋企開萬聖節派對，問佢怕唔怕惹鬼？佢直言：「我一啲都唔驚，百無禁忌。我細細個已經夠膽一個人住酒店，完全唔怕鬼。」