俄「四人幫」逆市狂掃貨
【本報記者】iPad Air「炒燶了」，本地不少業餘炒家損手離場。不過來自俄羅斯的電子水貨黨依舊大舉掃貨，「唔貴唔買」，狂掃iPad Air，成為逆市貴客，估計與當地人漸追求高尚及科技化生活有關。
旺角先達廣場昨日出現一個俄羅斯「四人幫」水貨黨，在商場內四處打探「參觀」，每人各自手持四至十部iPad Air，其中一人更手持一大疊港元現金，全部是一千元及五百元鈔票，估計有數萬元，打正旗號搜購大批價錢最貴、每部原價七千八百八十八元的4G版本128GB iPad Air。他們與其中一間店舖的店員「講價」一輪後，最後「拍板」以每部七千九百五十元的價錢購入十部該款iPad Air，之後再出發到別家店舖繼續掃貨。
另外，手機店I世代電訊經理姚進指出，近兩年俄羅斯炒家湧現，每逢Apple有新產品發售，他們往往能於發售當日現身先達，「買機」時出手亦較一般人豪爽。
「iPad Air仲未喺俄羅斯官方發售，但當地好多人願意用多啲錢，快人一步享用高科技產品，擁有Apple呢類大牌子亦係身份象徵。」他續稱，本港出售的Apple產品零售價本已較其他地區或國家低，加上發售期早過不少地區，故產品帶返俄羅斯放售，隨時可收回雙倍價錢，利潤豐厚。
