城中鏡：趙海珠轉做賣樓女神？
最近有人喺恒地中環總部見到前靚女主播Alison趙海珠，聽講佢近期去咗嗰度返工，喺營業部做Senior Manager。
趙海珠係咪會搖身變成「賣樓女神」，大家要拭目以待喇！（資料圖片）
搵過Alison嘅主管、恒地營業（二）部總經理Mark韓家輝求證，Mark哥話好歡迎佢加入，仲相信Alison喺財經界嘅經驗同人際關係，可以為公司効力。至於靚女主播嘅職位同負責乜嘢範疇，Mark哥就話暫時唔講得住喎。相信以Alison嘅口才同能力，有機會成為新一代「賣樓女神」。
