外國友人，隔了兩年，再度來港探我。
甫見面，他就投訴：酒店租金大升，但啲服務水平大跌、食物質素下降、街道污糟又有臭味，人仲多，又嘈又亂……
喂！彈夠未？話口未完，佢便指住成棚強國「旅客」踎在街邊，真叫我呢個本地舊香港人想死！
死鬼仔，不懂中國文化，更不識魯迅和柏楊，現代中國人的特性，就係髒、亂、吵啦！
鬼仔看到的，只是「可見」的表徵，最表面的現象而已！香港特區內最污穢、慌亂和吵鬧，不在旅遊景點和大街大路上，而係在政府內部的核心管治裏……
家陣，香港的法治蕩然無存，官長意志大於一切，已去到肆無忌憚的顛三倒四，不理民情，話咁就咁的與民為敵。只要有北風繼續吹住，幾大嘅謊話，幾「那渣」嘅手段亦敢使出來，可以一句「保密機制」，就乜都唔使同任何人交代；只要係「按照既定程序進行」，就乜都可以「一男子」（依家變「一女子」）玩晒，手法骯髒得很！手段要幾污穢有幾污穢！
講到「亂」，更得人驚！要驚的，不是坊間日日有人遊行示威搞對抗，而係香港廢柴政府的行政越級混亂。有大話精承諾過政策「成熟一項推一項」的，但事實上，除「假大空」是「真的」之外，所有政策都係亂七八糟。十七個月來，三隻字：「亂過交竹」。
至於「吵」，若你同賓賓咁會睇電視直播的話，有邊次立法會開壇，唔吵大鑊的呢？你想知乜叫做「吵」，睇民建聯嘅蔣麗芸大嬸講話就得啦！
香港的髒亂吵早超越魯迅年代的水平矣！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
第一手消息請下載on.cc東方互動
