快必高舉支雞汁請願，場面搞笑。
話說某電視台最近喺一個飲食節目加入植入式廣告，宣傳某牌子嘅雞汁，本來在商言商並無不妥，但點知惹嚟部分觀眾睇唔順眼。咁啱呢幾日有關免費電視發牌風波鬧得熱烘烘，人民力量成員「快必」譚得志尋日就帶咗支雞汁去行政會議請願，並高舉支雞汁，場面相當搞笑。不過，話時話，有關飲食節目最近一集，主持人May姐已經冇講「雞汁」兩個字，只係指一指支雞汁，助手思琦妹就自動波遞上，莫非May姐都驚咗雞汁？
第一手消息請下載on.cc東方互動
- on.cc 東方互動主頁
- 4月3日 (四)
