在此預告，若香港再多幾件蘇錦樑這般弱能嘅廢柴庸官，此地不特只無得救，兼且仲會死快啲！

蘇卡片日前喺記招度只懂頭耷耷讀稿，兼重複講稿內容，再三翻兜Repeat又Repeat；被記者追問時蘇錦樑前後覆述再讀講稿……講稿……竟中咗九次「循序漸進」作回應，如此廢中廢，只懂學林瑞麟公公「人肉錄音機」咁！無血無肉無靈魂嘅機械怪，唔用腦，只聽命主子嘅異獸，那又怎是港人所要嘅「公僕」呢？又怎有能力幫香港做事呢？掉去垃圾堆填區吧！

舊年，我喺電台做主持人。嗰日，討論「DBC發牌事件」，找來政府負責人商經局局長蘇錦樑發表意見，點知條友不斷讀稿又讀稿，不管我問乜，佢都係照讀佢手上的稿。我聽佢愈讀愈離題，於是打斷佢，兼問番原本的問題，殊不知，佢竟然會「從頭起」再重讀。喂！點頂呀！我想再追問時，佢卻話我窒礙佢講話喎！WTF！我便在「大氣電波」直播中×佢：「喂！蘇局長，乜你咁人肉錄音機o架！你好廢啫！」（後來，我被節目監製「照肺」），我作為節目主持，當時係代表市民去向政府查詢問題，遇一件爛得無可再爛嘅垃圾，怎可不講心裏真話。

前日，香港傳媒同蘇局長作「一次性接觸」後，除嘥精力外，還認定香港死硬！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps