商務及經濟發展局副局長梁敬國尋日履新，局長蘇錦樑好心諗住帶個新同事去立法會介紹畀議員認識，但點知好心做壞事，佢似乎唔記得依家全城熱議免費電視發牌，搞到梁敬國首日返工就要「受靶」，被記者追問點睇政府發牌問題。被問到首日返工有乜嘢感受，梁敬國就話雖然新工挑戰性大，但唔認為係燙手山芋，佢會積極面對，又話未來會加強同商界、中小企溝通。最終佢係咪冧得掂啲工商界，咁就要拭目以待喇！
梁敬國
