睹母墮斃稚子嚷着要揾媽媽

【本報訊】牛頭角少婦晾衫墮樓慘死，其三歲兒子豪仔目睹母親墮樓情景，事發後他無法入睡，昨日更嚷着：「媽媽買完餸返嚟嘞，我要搵媽媽！」祖母為安撫乖孫訛稱：「媽媽出咗街！」又指：「唔係媽媽跌落街，係冬瓜跌落街！」但豪仔似無難忘母親墮樓一刻，即時糾正：「唔係冬瓜。」家人聞言心痛不已。

二十六歲新移民少婦何翠文，前日在樂華北邨欣華樓住所，以房署安裝的俗稱「三支香」晾衫架，探身窗外整理衣物時，懷疑失平衡由八樓飛墮地身亡。其姓李丈夫、家姑及女親友昨晨往殮房認屍，李表現悲慟，不時流下男兒淚。李指已通知妻子在佛山的父母，他們正辦理證件趕來港奔喪，其妻的遺體將會火化處理。