SUN驚奇：美國檸檬 色香味俱佳

內地南非出產帶苦澀味

「內地嘅檸檬唔夠香，唔夠酸，好少人用。」陳表示，另一分別是美國檸檬皮較薄和光滑，色澤均勻，且散發清新檸檬香味。至於內地及南非檸檬，除缺乏香味，品質參差，表皮常出現青色塊，而且色澤暗啞。味道上，內地及南非檸檬酸度較低，也有少量苦澀味。「飲開美國檸檬沖嘅檸檬茶嘅人，你用內地或南非檸檬代替，佢一飲就飲得出。」陳指出，用其他產地的檸檬替代美國檸檬，會影響飲品味道。

元朗振生園有機農場負責人佘先生解釋，「檸檬唔難種，但要種出靚檸檬，天氣狀況好重要。」佘表示，天氣太冷，雨量頻密及強風都是其天敵，容易令檸檬開花不結果。他解釋，檸檬樹一年四季會結果，屬短樹，約五尺高，屬粗生樹木，很多地方也適合種植。