為一紙幼稚園報名表，家長連夜排隊，自然怒氣沖天，更激發本地與雙非家長的矛盾。而吳得掂局長又一味話學位充裕，無視疾苦，自然成為眾矢之的。為平息民憤，吳得掂局長決定親自出動，去幼稚園門外一嘗通宵排隊滋味。

一晚過後，本地家長特意去看看局長，家長甫開口︰「局長，你知我哋有幾辛苦未？學位明明唔夠，雙非家長又嚟爭埋一份，你話個問題出自邊度？」只見局長面有難色，身體左搖右擺，斷斷續續說︰「雙……非……」本地家長一聽，大聲叫道︰「吳局長，你都話關雙非事，咁仲唔快啲出手解決問題？」遽然間，吳得掂提起雙手，似有舉動︰「唔係呀，我係排咗成晚，係咁畀蚊咬，想快啲有人拎支『雙飛人藥水』畀我搽，呀！我忍唔住要變『搔格拉底』喇！」

第一手消息請下載on.cc東方互動iPhone/iPad/Android/Windows Phone Apps