王賢誌話暫時唔會再做全職藝人。
藝人「三哥」苗僑偉應邀出席慈善保齡球賽活動，期間同賭王何鴻燊三太陳婉珍及兒子何猷啟同場，猷啟更組隊參賽。三哥欣賞猷啟身形，雙方仲寒暄傾波經。講到梁家輝辭演新劇一事，原來家輝喺布拉格受傷時，三哥亦身在當地遊玩，所以一早知情。對於未能合作，三哥謂：「未合作過一定想合作，私底下我們是好朋友，經常約飯敍。」被問及有否阻延籌拍工作，三哥就話唔清楚，交畀公司處理。
苗僑偉（右起）、陳婉珍同何猷啟一齊出席慈善保齡球賽。
同場仲有曾經做過藝人、現任東華三院總理王贀誌，對於政府收緊無綫同藝人合約政策一事，佢大表讚同，但佢話當年簽嘅係全職藝員約，所以要尊重合約精神，又話：「現在針對是一年一騷的兼職合約，總之覺得有競爭才有進步。」佢又話暫時唔會再做全職藝人，因為實在太困身喎！
第一手消息請下載on.cc東方互動
