政壇：許華傑割膽石不忘自拍
咪以為膽石淨係襲擊「三高一族」，瘦到好似「紙板人」嘅中華出入口商會副會長Michael許華傑一樣中招。Michael尋日喺facebook上載一張留院相，佢留言話「不割不割還需割，昨天終於把膽割咗」，仲展示一樽醫生留下嘅「手信」，膠樽內裝滿大堆細小膽石，連醫生都忍唔住笑佢，幾時食咗咁多石仔落個膽。
月前曾因胃部劇痛入院，許華傑認真禍不單行。（被訪者提供）
Michael八月中已因胃痛漏夜入院，一照之下發現個膽發炎，膽石更不少，醫生惟有引刀一快，將個膽割埋。依家割膽石已經唔係大手術，佢康復神速，雖然仲吊緊鹽水，但識得玩自拍自娛一番，抖多兩、三日就出得院嘞！
