學童失蹤潮開課爆七宗
本港今年九月新學年開學後驚現學童失蹤潮，短短五星期至少七名學童失蹤，其中一人自殺身亡，三人至今音信全無，當中一名十四歲及九歲校服女生上周五均在放學後突然人間蒸發。其中就讀嘉諾撒培德書院的中三女生黎靜婷，家人連日來在facebook（fb）四出尋人，更總動員反轉港島找其下落，黎母幾近崩潰，她坦言：「我就嚟頂唔到，癲啦！女，你去咗邊呀？」據悉，兩人已被警方列為高危失蹤人士，正追查兩人手機及電腦尋求線索。
10月4日失蹤
黎靜婷 14歲
黎靜婷個性純品，家人盼望可盡快將她尋回。
10月4日失蹤
9歲女童
九歲女童放學後未見返回樂富邨住所，下落不明。
9月7日失蹤
鄭祖怡 15歲
9月1日
伍珍儀 16歲
死亡
9月6日
香嘉露 18歲
尋回
9月11日
張綺琦 13歲
尋回
9月13日
梁龍生 13歲
尋回
黎靜婷用餐時做出趣致表情。
黎靜婷是嘉諾撒培德書院學生。
黎靜婷平日上學及放學均乘搭7號城巴。
自己會小心
梁同學：我住香港仔，喺灣仔讀書，返學放學都會小心！
曾同學：我獨自搭巴士嘅時候，會留意有冇畀人跟蹤。
靜婷曾致電回家 稱塞車晚歸
失蹤的女生黎靜婷，洋名Angie，身高約一點五五米，身材偏瘦，蓄齊蔭短髮，在香港仔貝璐道嘉諾撒培德書院讀中三，與曾開設飛鏢道場的家人同住西環，平日上學及放學均會乘搭7號城巴。Angie的阿姨Jovi上周六在fb發出尋人貼子，指Angie上周五晚上七時在香港仔搭巴士回家途中，曾致電回家聲稱在瑪麗醫院遇上塞車，會「遲少少返到屋企」，但之後便告失蹤。
在北角一間教育中心擔任校監及校長的Jovi，指姨甥女平時好乖好純，與家人關係融洽，家人擔心不已，並已報警處理。家人商量後將Angie多張近照上載fb，希望有心人幫手留意其下落，她失蹤時穿着藍色連身校服裙。尋人消息一出，引起全城網友回響，且不斷轉發訊息。不過，家人一直未有Angie消息。
西環行到銅鑼灣 母：我癲啦
黎母Joanna精神幾近崩潰，她前晚在fb大呼：「我就嚟頂唔到，癲啦！女，你去咗邊呀？」又嘆謂：「女，我行到腳痛，都搵你唔到，我已經由西環行到銅鑼灣，都冇，你喺邊呀？我好似傻婆咁！返嚟啦！」直至昨日凌晨，她「搵到企唔穩」始回家休息。黎家昨踏破鐵鞋尋人，Jovi坦言：「已經過咗兩日，愈遲搵番佢就愈危險……我哋成家人呢幾日已經力竭筋疲，不停走遍港九新界……」
她又慨嘆：「可能對好多人嚟講小朋友失蹤好小事，但有時真係針唔拮到肉唔知痛，依家個世界同以前唔同，年輕人發生意外嘅數字不斷飆升，做屋企人嘅又點可以話唔擔心？唔通真係一句，唔見咗都冇辦法啦，就算數？」她又稱：「大家都有最親、最愛嘅屋企人，大家都唔希望自己屋企人發生咩意外，我真係好希望大家可以幫幫手。」至晚上Jovi留言大呼：「我頂唔順啦！」
Joanna昨接受本報查詢時表示：「到依家都無阿女消息，已冇其他資料可以發布，暫時唔使幫忙，多謝關心。」Jovi亦稱：「大家揸車到全港各處搵佢，但依然冇其音信，佢要返嚟嘅話已返咗嚟，都唔知佢去咗邊，暫時冇嘢需要幫手。」警方港島失蹤人口調查組正追查其下落。
至於另一名高危失蹤女生年僅九歲，上周五離開黃大仙樂富邨寓所上學，放學後一直沒有回家，當晚向親友尋找其下落無果報警，但家人要求將女童身份保密，故警方未有公布其姓名及相片。由於女童在十二歲以下，失蹤超過十二小時，案件交由黃大仙警區刑事調查隊跟進。
