SUN搞作:SUN官場現形記:衰湯有個黑心
李衞見貪湯睇醫生,即刻吊住佢尾。喺診症室,醫生似乎都好唔妥呢隻大貪友,於是,一段饒富趣味嘅對話就此展開……
貪湯︰醫生,我每日飲十打茅台都得,身體係咪好好?
醫生︰報告顯示,你個心係黑色喎!
貪湯︰吓,醫生呀醫生,我唔想死呀,快啲幫吓我啦!
醫生︰我諗無得幫喇,你已經病入膏肓!
貪湯︰無理由o架,我同貪曾喪食鮑魚都消化得好好,仲成日都去高球會打golf做運動添!
醫生︰唔關事!
貪湯︰咁個心黑咗即係咩病呀?
醫生︰你貪貪埋埋咁多公帑唔認數,依家仲作埋假證供添!你黑心到咁,仲點會有得醫呀?