匯聚城中名人後代嘅香港青年聯會，日前喺灣仔會展舉行第二十一屆會董會就職典禮，一眾新舊成員與年輕才俊盛裝赴會，積極迎接未來一年新挑戰。榮升青聯主席嘅霍啟剛同時喜獲麟兒，雙喜臨門，眾人齊齊舉杯送上祝福。喜事何止得咁少，在場兄弟姊妹亦逐一報喜，有人宣布脫離單身行列，有人預告即將增添家庭成員，大家整晚講得最多嘅係「恭喜」。

分享喜悅
好事成雙嘅霍啟剛（中）全程笑容滿面，同副主席鄭重科（左）及彭芷君分享喜悅。

賀小登科
前立法會議員楊孝華長子楊哲寧（中）明年做新郎哥，常董李根泰（左）及自稱亞洲電視「粉絲」嘅盛品儒（右）都戥佢高興。

保養得宜
身兼會董嘅高力集團執董彭蘊萍雖然工作繁重，難得仍keep到滑溜肌膚。

齊湊熱鬧
身為全國青聯常委嘅觀瀾湖集團主席朱鼎健（左）同弟弟朱鼎耀都嚟湊熱鬧。

開心合照
副主席吳傑莊（左）近日由幕後走到幕前擔任電視台嘉賓主持，與「鋼鐵公主」陳寧寧（中）及菁英會榮譽主席洪為民開心合照。

落力迎賓
副秘書長林玉茵（右起）、常董霍啟山及林淑怡落力迎迓賓客。

成功造人
青聯會董潘偉業（左）與太太鄺晶晶新婚不久即造人成功，二人都十分期待小生命降臨。

第一手消息請下載on.cc東方互動iPhone/iPad/Android/Windows Phone Apps