「篋」，英文是suitcase，即「藏物小箱」，香港有人寫作為「喼」。「神」者，並非God，或有法力之仙人，只是香港人愛將「最頂級出眾」的人、事、物講到「宇宙最強」——「神級化」而已！例如歌唱超級偶像，便是「歌神」，同樣，用「篋」用到出神入化的，仲唔係「篋神」？

家陣，喺香港的潮語，好多唔係大陸常用語，就係網絡語言，甚或完完全全是大陸常用的網絡語。

本文，偏偏要講一個大陸忌諱唔想講嘅香港地地道道嘅「本土潮語」——「篋神」。

「篋神」者，是指那群專門拖着行李箱，在街道上東奔西跑的中國旅客。

早前篋神們只往香港橫行，現今，拖篋亂竄，已無遠弗屆，不要說歐美澳非，連南北極的雪地，都被篋箱底部的小輪，碌到通地呔痕矣！

篋神，是有一個共通點的，就是他們只會「拖篋」，即使該衣箱有挽手，他們亦不會抽提，一定係拔出手柄，人先行，篋在後拉着，並且，毋須關顧理會身旁行人，所以被篋神的大衣箱碌親腳面，得不到任何道歉半句，是正常不過之事！

這群每每拖着可藏一具成人屍體咁大嘅篋通街碌人嘅篋神，佢哋不一定係為咗購物而四出走動。原來，呢幫人除了參加零團費的購物團之外，也會係一兩日的廉價遊，每當上午由深圳到港，而未有酒店房check-in，或最後一天，晨早check-out，旅遊車未到，咪要拖住巨篋在街上徘徊囉！

中國強大有錢人多了，出國個人遊也多了，篋神們拖篋碌港人腳面的情況沒有減少之餘，佢哋仲全球去碌勻其他民族腳趾，為國爭光，值得驕傲！

第一手消息請下載on.cc東方互動iPhone/iPad/Android/Windows Phone Apps