政壇：潮青拉隊歎監倉飯
潮州商會青委主任葉振南（Stephen）同名譽參事劉文文（Lisa）尋日拉埋成班「加己冷」成員，參觀赤柱監獄及柴灣歌連臣角懲教所，大家仲一嘗「監倉飯」滋味，大家試食後都覺得食物比較少油同清淡，原來係營養師精心設計嘅餐單。
陳德寧（左起）、林月萍、葉振南、黃仰芳及胡炎松拉大隊品嘗「監倉飯」。
據懲教署人員介紹，負責煮食嘅五十多個囚犯，有啲每朝凌晨四點鐘就起身，供應膳食予全倉共千多個囚犯。但執勤嘅懲教署人員就冇份食，事關佢哋每日工作七小時，不設食飯時間。
