政壇：被指撐國教李美辰呼冤
講起和富社會企業，好多人未必聽過，但若講「和富大埔」足球隊就唔同晒，和富主席李宗德長女李美辰出席一個活動時透露，佢原來唔識欣賞足球嘅，反而佢媽媽對足球就好有興趣，幾乎旗下足球隊每場賽事，李媽媽都會親自到場打氣，佢笑言：「阿媽對班球員好熱心o架，有時見到佢哋受傷，仲會主動帶佢哋去睇跌打添！」
李美辰
參選過新界西直選嘅李美辰憶述選舉時佢被批撐「國民教育」，其實認真無辜，佢話自己係撐「公民教育」，唔支持洗腦教育。佢話公民教育好重要，事關佢曾負笈海外，見識過外國人冇敬老、又唔尊師重道嘅觀念後，覺得身為中國人好自豪。佢同身為香港青年聯會司庫嘅丈夫蔡德昇育有兩子一女，不時攜子女遊歷中國各地，提升子女身份認同感。
