一日，貪湯喊住嚟搵貪曾，貪曾見到就好自然問佢發生咗咩事。「我無端端被人打！」貪湯哭道。貪湯平日以縮骨見稱，一有事影都無，真係好難有人會打到佢，故貪曾大感奇怪︰「你究竟做咗咩事？你慢慢講我聽。」

貪湯娓娓說︰「你知我好酒，鑑酒自然唔差，難得今日有人叫我去鑑酒，我咪去囉！」貪曾一聽，即附和︰「畀我都去，冇得飲都有得睇吓！跟住呢？」貪湯續道︰「有人問我啲酒點，咁我咪如實答全都係好酒。」貪曾點點頭︰「答案無問題。」

「跟住又有人拎咗支極品出嚟。」貪湯邊說邊眼泛淚光。「等等，畀你講到我酒癮大發，即場開支酒飲吓先！」貪曾指頭一推，酒塞飛脫，邊喝邊道︰「然後呢？」貪湯突然大哭︰「我咪做咗你啱啱做嘅嘢囉！」

第一手消息請下載on.cc東方互動iPhone/iPad/Android/Windows Phone Apps