少膽虫喘着氣，走進淫賤黎房間︰「腦細，《爛果》畀人投訴！」只見淫賤黎盤起二郎腿， 一臉不在乎︰「係咩，啲人投訴咩？」少膽虫續說︰「啲人投訴《爛果》發霉……」話未畢，一份厚厚的《爛果》狠狠拍在少膽虫面上︰「少膽虫，你係咪傻o架，有名你叫壹全霉，《爛果》發霉有幾出奇？」

「腦細，唔係呀，啲人係話《爛果》唔夠霉，唔係全霉，所以有誤導成分，話要告我哋。」少膽虫邊摸已紅腫的臉，邊口窒窒道。自從新商品條例實施後，《爛果》作新聞也不敢太明目張膽，今次竟因自家名號中招，淫賤黎真係點算都算唔着。「少膽虫我唔理，你話晒係《爛果》腦腫，呢鋪你死都同我拆掂佢！」淫賤黎一句，就將責任推得一乾二淨。

好在，少膽虫一向轉數快︰「腦細，有計，《爛果》喺賣之前，用水沖沖佢先！」「啪」一聲，淫賤黎又賞了少膽虫一巴耳光︰「用水沖？沖走晒啲霉，咪又係同壹全霉名實不副！」少膽虫無奈地道︰「沖水係等份報紙重啲，咁就自然多啲拾荒者喺街邊執《爛果》畀收賣佬，咁咪可以霉啲囉……」

第一手消息請下載on.cc東方互動iPhone/iPad/Android/Windows Phone Apps