SUN搞作：網絡小說：剩儒大作戰
啞洲王朝覆亡，一堆遺老遺少，讀慣重播幾億次之懷舊老八股，時人皆稱剩儒。剩儒者，頑固迂腐，故步自封，於是遭到封殺，被勒令七日內為前朝自盡，人人自危。同一時間，漠北大汗帳中卻有醞釀一個驚天動地的大陰謀……
「剩品……吖！無品嘅先啱，剩儒！剩儒，過嚟！」黃精大汗召來剩儒問詢：「你效忠啞洲王朝咁耐，一定可以教我點樣反撲南蠻入侵！」
「小生不才，雖然高大又文化高又識講嘢，各樣都比啞洲先生好，咁花弗嘅人已經剩儒無幾，但係……」剩儒稍停一停，再道：「但係唔理紅精橙精綠精白精定邱淑貞，都搞唔掂！」
黃精大汗頹然坐下：「唔通真係復國無望？」剩儒搖搖頭：「咁又未必……」黃精大喜：「不妨一說，我一定以國士之禮相待！」剩儒揮揮手：「唔要做國士，我要做國君！」黃精急道：「請說！」剩儒即大聲道：「請大汗立我為皇！」
黃精一聽，好生失望：「之前都搵你做個兒皇帝啦！」「今次唔同，」剩儒昂首挺胸：「今次我唔做咩執行懂事，要坐正！依家都係唔畀做兒皇帝啫，咁我哋咪……」剩儒在大汗耳旁續說。
「好呀！」黃精大汗聽後拍手道：「一於就咁，我娶咗你做妻皇帝啦！」
