城中鏡：孫伊萍有專人執look
貪靚係女人天性，蒙牛總裁孫伊萍亦唔例外。記得孫總舊年出任蒙牛總裁，首次見記者時已悉心打扮，仲話好緊張添！其實佢見慣大場面，邊會緊張o架？睇嚟佢係好重視就真，當時仲（目及）到有專人幫佢set頭，可能件衫都特別揀過添！
孫伊萍每次出大場面都有專人幫佢執形象。（資料圖片）
尋日佢出席中期業績記者會都亦有個貼身助手幫佢從頭到腳打點好，成個look都好貴氣、好得體，助手仲好細心，等孫總坐定後再執一執，夠晒認真。有專人幫佢，唔怪得次次出場都好sharp醒，神采飛揚啦！聽聞佢好重視出席公開場合，咁又係，正所謂人靠衣裝嘛，第一印象真係好重要，尤其女人最貪靚！
講開蒙牛，尋日舉行中期業績記者會，成個場布置到好似展銷會咁，仲有好多產品大型props，製作認真。
