城中鏡：何倍倩fit爆影靚相
喺六月誕下龍鳳胎嘅恒生新抱兼Zensation Beaute 行政總裁Anina何倍倩，好快就重返工作崗位，兼且回復苗條身材。其實佢既要湊BB，又要兼顧生意，已經忙到爆，好彩佢請到個「星級陪月」，幫到佢唔少忙，令佢可以專心工作，而早前Anina仲抽空為一個品牌拍攝黑白照。
作為職業女性，何倍倩自有一套穿衣嘅風格。（黑白圖片）
呢個品牌強調風格多於流行，所以特別搵咗二十位唔同職業嘅傑出女性拍咗輯黑白照，講述二十段人生、二十個故事、二十種性格，仲記錄咗佢哋嘅歡笑同淚水，作為呢個品牌嘅二十周年紀念。除咗Anina之外，當中仲有立法會前議員、時裝設計師、舞蹈家、視覺藝術家同女名廚等。Anina仲話開公司係佢愛好，難怪佢成日周圍飛都冇怨言喇！
