侏儒症人士受歧視難就業
【本報訊】「我們欠的只是一個機會」肢體發育不健全，俗稱「侏儒症」者的智力及工作能力與一般人無異，只是身材較一般人矮小，卻令他們求職困難兼受盡歧視。為侏儒症人士提供協助的知足協會說會員求職時經常遭僱主白眼「個櫃咁高，你攞文件都攞唔到啦」，「喺電話叫你見工就話你好適合，面試時見到就即刻話已經請咗人」。協會估計，本港現時約有七百名侏儒症人士，只約一百人找到工作，就業率只得一成四。
阿業雖然身材較矮細，但工作能力與一般人無異。
身高約一百三十厘米的侏儒症患者阿業說，完成毅進課程花上一整年時間求職，「一係僱主見到我就話請咗人，一係叫我等消息就音信全無」，直言感到灰心、放棄就業。他經歷一年留在家中打機生活後，幸得朋友介紹到茶餐廳兼職送外賣，其後更成功於非政府機構覓得活動助理工作。
唔睇履歷 壓低工資
知足協會主席阿欣表示，侏儒症患者受歧視難找到工作，有會員到勞工處求助，處方職員更「履歷都唔睇就話冇工啱你」，即使成功受聘的亦會被僱主壓價或延長試用期。會員們只是個人細粒啲」，若僱主設備上願意配合，侏儒症患者的工作能力與一般人無異。香港中華基督教青年會執行幹事李道生指，計劃開設特色主題餐廳專門聘用侏儒症及弱勢社群，訓練他們營運及管理餐廳，希望藉此消除社會對侏儒症人士的誤解及歧視。
