城中鏡：李焯芬話西九超支平常
李焯芬（左）同林筱魯齊為西九超支辯護。
早前喺一個活動見到同係西九管理局董事局成員嘅古物諮詢委員會主席林筱魯，同香港大學專業進修學院院長李焯芬，佢哋異口同聲為西九文化區超支辯解。本身係專業地質工程師及水利專家嘅李焯芬話，讀工科出身嘅人都明白大型工程超支並唔出奇，仲話曾參與過一個規模大過西九嘅工程，由最初預算八百億元，到埋單計數時要二千億元。乜嘢工程咁宏偉？咪三峽工程囉！
李焯芬（左）同林筱魯齊為西九超支辯護。
李焯芬曾參與多個核電站、大壩同基礎設施建設，當中包括著名嘅三峽工程，仲因此被譽為「大禹傳人」。佢話但凡工程未有具體嘅設計圖則之前，預算都只係粗略估算，未能作準，超支係好平常嘅事。身為城市規劃師嘅林筱魯好認同，猛話呢個事實好重要，一定要畀市民知喎！
