城中鏡：蔡爾全抖夠復出
蔡爾全轉職做私人銀行家。
永隆銀行前按揭及私人貸款中心主管Robbie蔡爾全離開舊公司後，抖咗幾個月，終於走番入華資行。恒生發言人證實，Robbie已喺佢哋私人銀行部門返緊工，負責業務拓展。聽聞永隆銀行前司庫鄺國榮，就落戶台資行，出任富邦香港高級副總裁兼金融市場部主管。
蔡爾全轉職做私人銀行家。
其實金融海嘯至今咁多年，銀行受嚴格監管要求，賣投資產品仍然唔容易，但係家陣本港好多富戶嘅投資信心都恢復番，梗係唔可以錯過呢個商機，銀行愈來愈着力發展財富管理。
Robbie家陣轉做私人銀行，同樣又要跑數，又要睇實業務準備推出嘅專業框架，睇嚟佢嚟緊有排忙，工作量應該唔少得過之前應付按揭戰。
