城中鏡：鋼琴公主出書教買樓

「鋼琴公主」孫穎向來投資有道，今年書展推出新書分享置業同投資心得，佢仲邀得恩師劉詩昆、著名作家余秋雨等寫序同推介。佢透露今次係第四度出書，之前都係同文化、音樂有關，新作則脫離其本行，佢話：「其實由前年開始有呢個構思，因為依家女性喺經濟上愈來愈獨立，購買能力又強，想由女性角度出發，以我親身經驗去分享，不過我工作太忙，所以拖到今年先成事， 正式籌備咗三個月。」佢透露自九四年開始買樓投資，地點遍及南京、上海、北京、深圳、香港、巴黎同加拿大等地。咁有冇試過損手？佢話：「我好好彩未試過蝕錢，最多係平手。」佢話新書除咗分享其投資經歷外，仲有由佢自創嘅十二星座買樓貼士。