政壇：莊偉茵難忘向劉培基請罪
莊偉茵憶述當年任職國泰航空時，曾就制服修改問題向劉培基負荊請罪。
香港文化博物館尋日舉行為期半年嘅劉培基作品展，展覽除咗臚列七十多套大師傑作外，仲有港人相當熟悉嘅空中服務員制服。曾任職國泰航空嘅中電企業發展總裁Quince莊偉茵憶述，當年曾因國泰修改制服設計而惹來劉培基不滿，後來佢帶同國泰各個職級嘅新制服合共幾個大旅行篋，遠赴泰國曼谷向旅居嘅劉培基「負荊請罪」，先重拾合作關係，雙方亦成為朋友。
莊偉茵憶述當年任職國泰航空時，曾就制服修改問題向劉培基負荊請罪。
靳埭強（右）同又一山人（左）一齊出席劉培基嘅作品展。
出席作品展嘅仲有靳埭強同又一山人兩位設計師。精於平面設計嘅靳埭強原來對時裝設計亦有一手，佢嘅時裝作品不但曾經獲獎，仲成為日本大阪世博會香港館嘅職員制服。又一山人就話，劉培基呢位前輩令佢獲益良多，而佢亦有份負責為劉培基嘅自傳設計封面同攝影。
