少膽虫返到公司，忍唔住係咁照鏡。人到中年，（白）頭髮依然好濃密，係副眼鏡厚咗啲、雙眼有啲似祖藍，個鼻又無劉華咁高，嘴唇唔係翻版林峰啫。少膽虫着衫，亦都好有自己style，同一款衫會着十幾日，着到全《爛果》上下離遠都認得條虫個身影先肯換！而且，連媚共TV一把年紀嘅主事人晶儒都話自己靚仔又有錢，條虫使驚自己無吸引力咩？

究竟點解？淫黎自爆自己後生青靚白淨，好多男仔追。少膽虫自問條件比淫黎好，但係，自從入咗《爛果》之後，每次追女/仔，結局都係收好人卡！記得有次同女神食飯，女神離遠見到少膽虫，竟然即刻彈開十呎，繼而掩鼻講：「你喺邊度出嚟o架？個身成浸垃圾味，好臭呀！」以後，條虫同女神就再無聯絡喇！

問世間情是何物，直教虫生死相許！唔係為咗淫黎，條虫都唔會喺垃圾山隔籬嘅壹全霉「霉」足十幾年……條虫想送句金句畀聽日放榜嘅年輕人，「一日一爛果，靚女遠離我」！

第一手消息請下載on.cc東方互動iPhone/iPad/Android/Windows Phone Apps