城中鏡：左拍拍 右拍拍：星星扮環保回饋臭衫
黃錦星（右）尋日着嘅橙色活動T恤，將會交還畀主辦機構。
立法會日前通過終止辯論堆填區撥款申請，意味着議案暑假前通過無望，但環境局局長「星星」黃錦星尋日轉個頭又出席活動，仲為自己許下承諾，即日起將活動大會提供嘅T恤，着完之後「回饋」物主！嘩，着過嘅二手臭衫都畀番人哋咁唔衞生？
黃錦星（右）尋日着嘅橙色活動T恤，將會交還畀主辦機構。
雖然佢強調會洗番乾淨先歸還，但其實好多活動T恤都係一次性或標示咗年份，就算主辦單位明年想循環再用都未必用得着，對方「硬食」星星件二手衫仲要搵地方收起或棄置，所以話星星其實只係將廢物源頭由佢屋企改為主辦單位寫字樓，問題都係未解決。
