城中鏡：啟剛搞宣傳晶晶成王牌
霍啟剛（左起）同飛鷹球隊主力呂楚威、香港籃球代表隊主力方誠義切磋球技，右一為盧繼祥。
青年聯會主席霍啟剛前日現身祖苗文化交流中心一個內地體育訓練團啟動禮，即場同兩位星級籃球員切磋球技。啟剛笑言對籃球唔係咁在行，但自爆讀書時已鍾意打羽毛球。莫非係受媽媽朱玲玲影響？啟剛又話雖然依家好忙，仍會間中抽時間同媽媽打番場波。
霍啟剛（左起）同飛鷹球隊主力呂楚威、香港籃球代表隊主力方誠義切磋球技，右一為盧繼祥。
郭晶晶
喺上月底，青聯舉辦嘅「鋒雲」論壇反應甚佳。啟剛話第一次搞論壇就咁成功，依家已急不及待訂下未來一年嘅鴻圖大計。佢仲笑言必要時會出動埋「王牌」做宣傳喎，佢張王牌係乜？咪就係太太郭晶晶囉！
