城中鏡：哈利贏威廉城城見證
英國一間高級男士服裝品牌再度成為皇室慈善馬球盃嘅冠名贊助商，亦係連續第二年為支持威廉王子嘅Tusk Trust同哈利王子嘅Sentebale慈善機構而舉辦嘅籌款活動。
盃賽喺日前舉行，經過一輪激烈嘅對壘後，由哈利王子帶領嘅GCBS隊喺賽事最後三十秒入球，險勝由威廉王子帶領嘅Westcombe隊。哈利王子獲頒贈最佳球員獎，而最佳馬匹由Gabby勝出。
當日超過四百位嘉賓出席觀賞馬球賽同參與慈善拍賣，遠道而來出席活動嘅嘉賓仲包括利邦集團執行董事馮詠儀小姐，呢個英國品牌嘅亞洲區品牌大使郭富城，以及新世界集團執行董事兼聯席總經理鄭志剛等等，可以同兩名王子近距離接觸。
