城中鏡：單拖逛中環 Bunny有心事?
心思思
上月初賽馬會爆出多匹馬嘅尿液樣本含禁藥「瘦肉精」，後來發現源頭來自馬會提供嘅飼料，其中觀塘區議會主席Bunny陳振彬嘅愛駒「傳奇快車」，上周四都被馬會褫奪「十八區盃」嘅冠軍資格，連頭馬獎金一併收回。咁啱當日我哋見到Bunny一支公現身中環街頭，睇見佢翹埋對手喺身後，仲不時望天打卦，又低頭而行，若有所思，莫非係為咗呢件事而憂心？
心思思
等綠燈
翹手行
當日下晝三點幾，見到Bunny單拖喺中環置地廣場出現，當時佢正往萬宜大廈方向行走。我哋見佢時而急步快走，時而放慢腳步望住手提電話，似乎心事重重。不過，佢依然跟足交通安全規則，過交通燈位時見到轉為行人綠燈至前行。
我哋後來打電話畀Bunny跟進瘦肉精事件，佢話同練馬師研究過後，一致認為呢件事責任在馬會，決定提出上訴。佢又話自己會一如既往咁抱住平常心，尊重馬會嘅裁決。至於佢之前話過，會將贏馬嘅獎金捐畀公開大學，佢強調無論上訴結果係點，都會照捐錢喎！
