政壇：甄韋喬延續亡友愛心
甄韋喬（中）搵埋伍進超夫婦（左及右）加入該會，瞓身服務社會。
由「清潔王子」菁英會副主席Mickey甄韋喬牽頭成立嘅「願景基金會」（VQ）已踏入第三年，服務逾一萬五千名市民。原來該會最初係由佢一位朋友建議創立，豈料尚未正式註冊，友人已不幸離世。佢深感悲痛之餘，繼續咬緊牙關「湊大」該會，決心將友人嘅愛心延續下去。
甄韋喬（中）搵埋伍進超夫婦（左及右）加入該會，瞓身服務社會。
王憓即場拉奏二胡，大家都聽得好陶醉。
二胡王子即場表演
日前該會舉行就職典禮，Mickey同班兄弟姊妹齊現身，在場仲見到「制服天后」Mary余嫿同JCI香港總會前會長伍進超，佢哋都係該會副主席。當日Mary仲帶咗個特別嘉賓前來，就係「二胡王子」Ray王憓，佢即場表演至耍家嘅二胡，全場氣氛即時變得好熾熱。Ray仲話，佢同爸爸王國潼將於九月中舉行演奏會，到時會捐出部分門票，資助該會經費。
講到VQ嘅發展大計，Mickey話焦點係十面埋「服」大賽，推動市民行善。Mickey話做善事唔需要用好多錢，該比賽就係鼓勵大家以最低成本，做出最有成效嘅服務，唔少學生、公司及民間義工隊都落力組隊參與，佢希望將比賽規模擴展至全港。
