SUN搞作：Sun官場現形記：貪湯珍惜金縷衣
尋日李衞為咗「再踢爆」城中貪官嘅真面目，決定深夜潛入佢哋屋企做狗仔。去到「揚威海外」嘅貪湯門口，李衞聽到一段「冗長」嘅對話，不禁嘔吐大作……
女友：湯湯，點解你用個屏風笠住自己？
貪湯：個屏風好貴重，有陣好特別嘅「除」，仲要係祖國高官御賜畀我，我一定要深深咁「探索」吓個屏風。
女友：陣「除」有咩咁特別？
貪湯：你唔知嘞，呢個屏風用上鮑魚絲作原料，以名貴中藥打造圖案，再用70年茅台浸泡一年，然後人手編織而成。相當名貴兼夠格，實行照住我！
女友：照住你？難道個屏風會發光？
貪湯：估到你唔明啦。為咗符合國情，祖國有「我爸是李剛」，我一於整招「禮物是高官」，仲有邊個敢拉我後腳？實甩難啦！
女友：係喎，下次你再應戰，一於拎住個屏風，「猶抱琵琶半遮面」咁行出去，有晒保護色，一定無人敢為難你！湯湯，你好聰明！
李衞：（嘔吐狀）dfg(&&%*&@$&&!
